55 годишен скопјанец умре од грип - уште седум лица се борат за живот на Инфективната клиника
55 годишен скопјанец заболен од инфлуенца А, починал вчера на Клиниката за инфективни болести во Скопје. Ова е четврта жртва на грипот сезонава.
Д-р Билјана Петреска од Клиниката за инфективни болести информираше дека скопјанецот бил хоспитализиран на клиниката со црнодробна болест на 21 јануари.
- Покрај спроведената антивирусна терапија, пациентот почина вчера, рече Петреска на денешната прес-конференција.
На Клиниката во моментов се хоспитализирани 110 лица, од кои седум се на интензивна нега.
- Пет пациенти се во потешка здравствена состојба и имаат симптоми на грип, а еден е приклучен на механичка вентилација, додаде Петреска.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
