Трагедија во Грција: Почина 5-месечно бебе - го оставиле да спие во автомобил за да одат на плажа, родителите со чудни изјави

Бебе на возраст од само пет месеци беше прогласено за мртво откако беше донесено во несвест во Здравствениот центар на островот Парос во Грција во неделата. Полицијата сега истражува што се случило, но целиот случај звучи како трилер, бидејќи циркулираат теории за тоа како починало девојчето.

Полицијата сега истражува неколку можни сценарија, а исто така испитува и сведоштва дека родителите го оставиле бебето да спие во автомобилот додека биле на плажа!

Жител на Парос, кој разговарал со ТВ станицата Стар, изјавил дека семејството со четири деца отишло на пливање на плажата Парасспорос. Според него, бебето заспало додека се возело и ја оставиле во автомобилот кратко време да спие“.

Според друго сценарио, бебето било на плажа со своите родители неколку часа, и ја изгубило свеста во семејниот дом.

„Детето било донесено во несвест од нејзината мајка во Здравствениот центар Парос во недела попладне. Детето имало мидријаза (проширени зеници), не дишело - всушност, било мртво. „Докторите кои беа присутни се обидоа со реанимација, но без успех“, рече Христос Роилос, директор на Втората здравствена управа на Пиреја и Егејот.

Спротивставени изјави од родителите

Штом беше утврдено дека девојчето е мртво, лекарите ја известија полицијата, а родителите веднаш беа уапсени.

Родителите, кои се од албанско потекло и живеат на Парос со години, се обвинети за изложување на малолетничка на смртна опасност, што довело до нејзина смрт. Тие се приведени и ќе бидат изведени пред обвинителството на островот Сирос. Сепак, во нивните првични изјави, тие дадоа контрадикторни информации за трагичниот настан.

„Ја однесовме со нас на плажа“, наводно рекол таткото на бебето.

„Ја оставивме во автомобилот“, рекла мајката.

Истрагата е во тек.