(ВИДЕО) Смртоносна ерупција: Вулканот Лаки-лаки одзеде девет животи

Најмалку девет лица загинаа по ерупцијата на планината Левотоби Лаки-лаки во источна Индонезија, јавува Ројтерс.

Вулканот Лаки-лаки, кој се наоѓа на островот Флорес, еруптираше во неделата во 23:57 часот по локално време, исфрлајќи огнена црвена лава, вулканска пепел и вжештени карпи. Властите во Индонезија го подигнаа статусот на вулканот на највисоко ниво.

„По ерупцијата имаше и прекин на струја. Потоа врнеше, проследено со силни молњи, што предизвика голема паника меѓу луѓето во близина на вулканот“, изјави за Ројтерс Хади Виџаја, портпарол на Центарот за вулканологија.

Ерупцијата на овој вулкан зафати седум околни села чии жители беа евакуирани, но девет од нив го загубија животот, според досегашните сознанија. Огнена лава и вжештени камења ги погодија селата на оддалеченост од четири километри од кратерот.

Селата најблиску до планината Левотоби беа целосно покриени со вулканска пепел, а властите потоа одлучија да ги евакуираат жителите на селата оддалечени десет или повеќе километри од кратерот.

 Terrible situation in the southeast of Flores Island, Indonesia. The Lewotobi (Lakilaki) volcano erupted and launched powerful bombs of pyroclastic and volcanic ash towards nearby villages. Several houses caught fire and an intense rain of ash and gravel has forced residents… pic.twitter.com/HIUO8pi02T

— Weather monitor (@Weathermonitors) November 3, 2024