Студот го направи своето: Ѕвонат телефоните на Ало Докторе
На телефонската линија за медицински совет „Ало докторе“ (02/15 123) изминатата недела се регистрирани 1.161 јавувања, информира денеска Здравствен дом Скопје.
Јавувањата најчесто се за совети поврзани со кардиоваскуларни и респираторни симптоми, главоболки, сезонски настинки и симптомна болка.
Од почетокот на отворањето на линијата за медицински совет се обратиле 121.578 граѓани.
Линијата е достапна секој ден 24 часа со цел да се овозможи непосредна медицинска консултација во момент на појава на какви било симптоми на нарушување на здравјето. За медицински совет се достапни 25 доктори.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
