Груевски од Кочани: СДСМ со албански радикали договарале полнење гласачки кутии-сакам да им порачам дека после цела албанска дијаспора нема да ги спаси од македонскиот народ

Лидерот на ВМРО-ДПМНЕ и владејачката коалиција „За подобра Македонија“, Никола Груевски од вечерашниот митинг во Кочани обзнани дека последниве денови СДСМ здружувајќи се со некои подземни структури кај албанските радикали договорале полнење на кутии на изборите на 11-ти декември.

-Исто така дознавам дека во последните денови размислувале и заговарале и други идеи. Здружувајќи се со некои подземни структури особено кај албанските радикали, кај порадикалните структури на Албанците во Македонија, разговарале за некакво полнење кутии, заедничко, договорено, незнам какво. Сакам да им порачам да не си играат играчки, затоа што после ни цела албанска дијаспора, од цела Швајцарија, од цел свет нема да ги спаси од овој народ и од сите граѓани на Македонија. И од македонците, и од Албанците, и од Турците, и од Ромите, и од Бошњаците, и од Власите, и од Србите, и од сите останати, рече Груевски.