Поднесено обвинение против кумановецот што го прегази 4-годишниот Алмир Алиу

Основното јавно обвинителство Куманово поднесе обвинителен акт за убиство согласно член 123 од Кривичниот законик против Б.И. осомничен за прегазување на 4-годишниот Алмир Алиу во близина на Здравствениот дом во Куманово што се случи на 25 јуни годинава.
 
Во соопштението од Обвинителството објавено денеска, воедно се посочува дека против три други лица е поднесено обвинение за насилство.
 
Обвинетиот на 25 јуни заедно со неговата девојка чекале ред во здравствениот дом во Куманово и се скарал со родителот на Алмир за непочитување на ред за прием во установата, по што расправијата продолжила надвор од Здравствениот дом, кога членови на семејството  Алиу го нападнале Илиќ и неговиот брат. Обвинетиот со својот автомобил марка „мерцедес“ се обидел да ги прегази мајката, таткото и 4-годишното дете, кое од здобиените повреди почина.
 
Братот на обвинетиот, тогаш тврдеше дека бегале од групата граѓани. Постапката се водеше како итна, а беше побарано и невро-психијатриско вештачење за пресметливоста на обвинетиот
 
 
23.12.2016 - 14:34

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега