Камионџија од Штип возел со три промили алкохол во Бугарија

Камионџија од Штип е фатен со три промили алкохол како вози низ Бугарија со својот камион. Тој бил уапсен кај Златарево, Бугарија, откако полицајци од сообраќајната полиција му измериле 3 промили алкохол во крвта.

Бугарската полиција извести дека возачот чиј идентитет не се открива, едвај стоел на нозе, а бил и арогантен.

На Македонецот му е одредена забрана за управување возило во Бугарија во траење од три години.