Велешани во шок по крвавиот масакр - каков сосед бил убиецот?

Нетрпеливост меѓу соседите е причина за крвавиот чин кој утрово околу 2 часот се случи во Велес. 

Четириесет и шестгодишниот С.В.  утрово со чекан нападнал семејство од неговото соседство, при што од повредите починал 65-годишниот Д.Н. а им нанел тешки телесни повреди на неговата сопруга, ќерка, братот и снаата. По викотниците за помош, во собата дошле и братот на починатиот со сопругата, кои живееле на другиот кат од куќата, па осомничениот со чеканот и ним им нанел тешки телесни повреди.

По извршување на делото осомничениот, како што соопшти Обвинителството, се вратил дома и на социјалните мрежи објавил статус во кој известува дека ги убил „своите монструми“. Веднаш е приведен и од страна на надлежен обвинител до Основен суд – Велес ќе биде доставен предлог за определување на мерка притвор против него.

Како што појаснуваат од СВР Велес, според нивните првичните сознанија причина за нападот била нетрпеливоста на насилникот кон соседите.

Велешани се во шок по веста за масакрот кој се одвивал синоќа. Соседите од околните куќи на улицата, велат дека никогаш немале проблем ниту со убиецот, ниту со семејството. Луѓето биле културни, а убиецот бил многу повлечен.

Според нив, никој не се ни сомневал дека ќе се случи ваков масакр. По крвавиот пир, таткото дошол, го земал убиецот, мирно го однел дома, а потоа дошла полицијата.

Не стивнуваат реакциите ни на статусот кој убиецот го напишал на Фејсбук по крвавото дело кое го извршил.